The Message பார்க்க வேண்டிய படம்

The Message

1977ல் வெளியான ஆங்கிலப் படம். இஸ்லாமிய நம்பிக்கையின் பிறப்பை வெகு அழகாகச் சித்தரித்த அருமையான காவியம். முகம்மது நபியின் புனிதக் கதை. ஏழாம் நூற்றாண்டில் 300க்கும் மேற்பட்ட சிலைகளை மெக்காவின் காபாவிலிருந்து அகற்றி இறைவன் ஒருவனே என்று முழங்கிய ஆன்மிகப் புரட்சியின் வரலாறு. மெக்காவின் மூட நம்பிக்கைகளுக்கும் அரசியல் கொடுமைகளுக்கும் போர்க்குற்றங்களுக்கும் முற்றுப்புள்ளி இட்டு மனிதத்தை அசத்தியர்களிடமிருந்து விடுதலை செய்த மகா சரித்திரம்.

இந்தப் படத்தில் முகம்மது நபி அவர்கள் வருகிறார். ஆனால் அவரை நாம் காண முடியாது. அலி அவர்கள் வருகிறார். ஆனால் நாம் அவரைக் காண முடியாது. இப்படியாய் இயன்றவரை சர்ச்சைகளைப் பின்னுக்குத் தள்ளிவிட்டு எடுத்த முன்னணிப்படம்.